XOTA : È ƉO MÍ DÁ WƐ ƉƆ MÍ NI LƐKƆ́ SIN HWƐ MITƆN LƐ́Ɛ GÚDO
NÚXÍXÁ
Akɔta e ma ɖó winnyá lɛ́ɛ mi,
mi nɔ tɛ́nkpɔ́n bó nɔ́ lin tamɛ kpɛɖé vɔ́vɔ́,
mi byɔ́ miɖée mɛ.
É má nyí mɔ̌ ǎ ɔ́,
xomɛsin ɖaxó Mawu Mavɔmavɔ tɔn sín azǎn ɔ́ ná wá su mi dó.
Mi byɔ́ miɖée mɛ,
é má nyí mɔ̌ ǎ ɔ́, 0
mi ná wá cí nǔywɛ́ ɖɔhun,
bɔ jɔhɔn ná fúnfún kpé gbe énɛ́ gbe.
Mi yá wǔ, é má nyí mɔ̌ ǎ ɔ́, xomɛsin Mawu Mavɔmavɔ tɔn ná jɛ te.
Mi lɛ́ kɔ wá Mawu Mavɔmavɔ gɔ́n,
mi mɛ e zé miɖée hwe ɖo to ɔ́ mɛ lɛ́ɛ;
mi mɛ e nɔ se tónú
nú sɛ́n tɔn lɛ́ɛ mi,
mi ba Mawu Mavɔmavɔ mɔ.
Mi wa nǔ jlɔ́jlɔ́,
mi zé miɖée hwe ɖo Mawu nukɔn.
Afɔ nyɔ́ ɔ́,
mi sixú gán gbe e gbe xomɛsin Mawu Mavɔmavɔ tɔn ná wá é
(Sofoníi 2.1-3)